ശ്രീനിവാസൻ നായകനായ കല്ലായ് എഫ്. എം എന്ന സിനിമയുടെ പ്രൊഡക്ഷൻ കോഡിനേറ്റർ ആയും പ്രതാപ് ജോസഫ് ന്റെ രണ്ടുപേർ ചുംബിക്കുമ്പോൾ എന്ന സിനിമയുടെ പ്രൊഡക്ഷൻ ഡിസൈനർ ആയും മറ്റ് നിരവധി ഡോക്ക്യൂമെന്ററികളുടെയും പ്രവർത്തനങ്ങളിൽ സഹകരിച്ചു.

ട്രേഡ് യൂണിയൻ രംഗത്ത് മികച്ച പ്രവർത്തനം നടത്തിയ കെ പി ലിജുകുമാർ കോറിതൊഴിലാളി യൂണിയൻ സെക്രട്ടറി യായിരുന്നു. കോഴിക്കോട് മെഡിക്കൽ കോളേജ് സെക്യൂരിറ്റി വർക്കേഴ്സ് യൂണിയൻ (എക്സ് സർവീസ് മാൻ )പ്രവർത്തനത്തിലും സജീവ മായിരുന്നു. ടെക്സ്റ്റൈൽസ് തൊഴിലാളികളുടെ അവകാശങ്ങൾക്ക് വേണ്ടി നടത്തിയ ഇരിക്കൽ സമരത്തിന് നേതൃത്വം കൊടുത്തവരിൽ പ്രധാനിയാണ് കെ പി ലിജുകുമാർ. AMTU ന്റെ പ്രസിഡന്റ് ആയിരുന്നു. ഈ യൂണിയന്റെ നേതൃത്വത്തിലാണ് കൂപ്പൺ മാൾ സമരം, C O സമരം എന്നിവ നടത്തപെടുന്നത്. ഈ സമരങ്ങൾക്ക് നേതൃത്വംകൊടുത്തതും വിജയത്തിലേക്ക് എത്തിക്കുന്നതിലും നിർണായക പങ്ക് വഹിച്ചത് ലിജുകുമാർ ആയിരുന്നു.

രാഷ്ട്രീയ സാമൂഹ്യ രംഗത്ത് നിരവധി ഇടപെടലുകൾ നടത്തിയ ലിജുകുമാർ DPEP വിരുദ്ധ സമരം,കൊക്കകോള വിരുദ്ധ സമരം,ഗ്ലോബൽ ഇൻവെസ്റ്റ്മെന്റ് മീറ്റ്ന് എതിരായ സമരം, wto -ലോകബാങ്ക് വിരുദ്ധ സമരം,പാലിയേക്കര ടോൾ വിരുദ്ധ സമരം,കാതിക്കൂടും ജെലാറ്റിങ് വിരുദ്ധ സമരം, ഭൂമിക്കുവേണ്ടിയുള്ള ഭൂ സമര സമിതിയുടെ ഇടപെടൽ എന്നിവയിൽ സജീവമായ ഇടപെടൽ നടത്തുവാൻ കഴിഞ്ഞു.സാധാരണ മനുഷ്യരുടെ അവകാശങ്ങൾക്ക് വേണ്ടി ചെറുതും വലുതുമായ നിരവധി പ്രവർത്തനങ്ങളിൽ ഏർപ്പെടുന്ന കെ പി ലിജുകുമാർ സഹായ സന്നദ്ധ പ്രവർത്തനങ്ങളിൽ സജീവമാണ്.